Niedzielne czytanie ze Starego i Nowego Testamentu po śląsku

Autor: Anna Jurzyca

man-2546791_960_720

Czytanie z Ksiyngi Proroka Izajasza (Iz 50, 5-9a)

Pon Bŏg ôtwar mi ucho, a jŏ sie niy szpryngnōł ani żech sie cŏfnōł. Podoł żech mŏj pukel, coby mie prali i gymba, coby szarpali mie za broda. Niy schowoł żech mojij gymby przed spieroniyniym i charkami.

Pon Bŏg mie wspomago, beztoż mie niy ruszajom ubliżynia, beztoż mom gymba, jak puta i wiym, że niy bydzie mie gańba.

Wele mie je Tyn, kery mie uniywinni. Fto do rada wadzić sie zy mnōm? Niych stowo! Fto je mojim ôskarżycielym? Niych sam przidzie!

Dyć Pon Bŏg mie wspomago. Fto mie potympi?

Czytanie z Listu Świyntego Jakuba Japostoła (Jk 2, 14-18)

Jaki je s tego pożytek, bracia moji, skoro ftoś bydzie gŏdoł, że wierzy, a niy bydzie spełniōł czynōw. Czy same wierzynie do rada go zbawić?

Jeśli na tyn przikłŏd brat abo siostra niy majom sie w co ôblyc, abo niy majom chleba do zjedzyniŏ, a ftoś s fos im rzeknie: „Idźcie w pokoju, ôgrzyjcie sie i najydzcie wiela trza” – a niy dŏcie im tego, co je im potrzebne – to na co sie to zdŏ? Tak tyż i wiara, jak niy idzie za niom czyn, je umarto samo z sia.

Ale może ftoś pedzieć: Ty mŏsz wiara, a jŏ robia czyny. Pokŏż mi swoja wiara bez czynōw, to jŏ ci pokŏża wiara s mojich czynōw. 

Autorem tłumaczenia jest Andrzej Cichoń. Autor pisze o sobie tak: Kiedyś zastanawiałem się, czy po ślōnsku można jedynie opowiadać dowcipy i tworzyć kabarety. Pomyślałem sobie, że my Ślązacy jesteśmy też poważnymi ludźmi. Z czasem myśl przekształciła się w czyn i co niedzielę po powrocie z kościoła na swoim blogu – https://andrzej-aci.blogspot.com/tłumaczyłem Ewangelię na śląski. Gdy zaczynałem tę przygodę z Ewangelią i śląskim językiem, nie wiedziałem, że tym samym, bardziej profesjonalnie zajmuje się p. Gabriel Tobor. Dziś piękne wydanie Nowego Testamyntu po Ślonsku zdobi również moją półkę. Można jednak pójść dalej i mam nadzieję dotrzymywać, na gościnnych łamach Radia Piekary, towarzystwa tłumaczeniu Ewangelii, poprzez cotygodniowe wersje pozostałych mszalnych czytań.

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *