Niedzielne czytania ze Starego i Nowego Testamentu po śląsku

Autor: Anna Jurzyca

the-bible-1188206_960_720

Czytanie z Ksiyngi proroka Micheasza

Tak gŏdŏ Pōn:

A ty, Betlejym Efrata, nojlichsze, żeś je ze wszyskich plymion judzkich! Z ciebie wyjdzie dlo mie Tyn, kery bydzie rzōńdziōł w Izraelu, a pochodzynie Jego ôd poczōntku, ôd dni wieczności. Toż Pon pociep ich aże do czasu, kej porodzi ta, kero mŏ porodzić. Wtynczŏs reszta Jego bratōw przijdzie curik do synōw Izraela.  

Stonie ôn i bydzie pŏsoł Pańskōm mocom, we przitōmności Pańskigo miana, swojigo Boga. Zicnōm sie wtynczŏs, bo rozciōngnie swoja potynga aże po krańce ziymi, a ôn bydzie pokojym.

Czytanie z Listu do Hebrajczykōw

Bracia:

Krystus, jak prziszoł na świat, gŏdŏ: „ôfiary ani gyszynku niy kciołeś, ale żeś mi wyłōnaczoł ciało; całopŏlynia i ôfiary za grzych Ci sie niy widziały. Wtynczŏs żech pedzioł: toż ida – we zwoju ksiyngi ô Mie stoji napisane – coby spełnić Twoja wola, Boże.”

Przōdzi pedzioł: „ôfiar, gyszynkōw, całopalyń, i ôfiar za grzychy żeś niy kcioł i Ci sie niy widziały”, mimo to, że sōm skłŏdane, jak pisze we Prawie. Juzaś pedzioł: „toż ida, coby spełnić Twoja wola”. Wyciepuje jedna ôfiara i wyrychtowuje drugo. Skuli tyj woli sōm my uświyńcyni bez ôfiara ciała Jezusa Krystusa rŏz, ale na zicher. 

Autorem tłumaczenia jest Andrzej Cichoń. Autor pisze o sobie tak: Kiedyś zastanawiałem się, czy po ślōnsku można jedynie opowiadać dowcipy i tworzyć kabarety. Pomyślałem sobie, że my Ślązacy jesteśmy też poważnymi ludźmi. Z czasem myśl przekształciła się w czyn i co niedzielę po powrocie z kościoła na swoim blogu – https://andrzej-aci.blogspot.com/tłumaczyłem Ewangelię na śląski. Gdy zaczynałem tę przygodę z Ewangelią i śląskim językiem, nie wiedziałem, że tym samym, bardziej profesjonalnie zajmuje się p. Gabriel Tobor. Dziś piękne wydanie Nowego Testamyntu po Ślonsku zdobi również moją półkę. Można jednak pójść dalej i mam nadzieję dotrzymywać, na gościnnych łamach Radia Piekary, towarzystwa tłumaczeniu Ewangelii, poprzez cotygodniowe wersje pozostałych mszalnych czytań.

fot.pixabay.com

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *